Мемлекет Басшысы Қасым-Жомарт Кемелұлы Тоқаев Қазақстан халқына Жолдауында экономиканы дамытуда кәсіптік білім беруді реформалаудың маңызын атап өтіп, 2025 жылды – «Жұмысшы мамандықтары жылы» деп жариялады.
Жұмысшы мамандықтары – ел экономикасын дамытудың негізі.
Қазіргі уақытта экономиканың түрлі салалары үшін жұмысшы кадрлар мен орта буын мамандарын даярлауды 33 колледж жүзеге асырады, онда 21 мыңнан астам студент оқиды, оның 19 мыңға жуығы немесе 87%-ы мемлекеттік тапсырыс бойынша білім алады.
Жұмысшы мамандықтары бойынша оқыту 5 319 адам контингенті бар 19 колледжде, 100% тегін оқумен қамтылып, 33 мамандық және 63 біліктілік бойынша жүргізіледі.
Мемлекет басшысы жыл сайынғы Жолдауында мектеп жасынан бастап мамандықты дұрыс таңдаудың маңыздылығын бірнеше рет атап өтті. Осы қажеттілікті сезіне отырып, өңір колледждері жұмысшы мамандықтарының тартымдылығын арттыруға және оны насихаттауға, «Еңбек адамы» идеясын ілгерілетуге бағытталған кәсіптік бағдар беру жұмыстарын белсенді жүргізуде.
Жұмысшы мамандықтары жылы аясында ТжКБ жүйесін трансформациялау бойынша ауқымды жұмыс күтіп тұр, бұл көшбасшы-колледждерді анықтау, жастарды техникалық және кәсіптік біліммен, оның ішінде жұмысшы мамандықтары бойынша қамтуды ұлғайту, біліктілікті халықаралық тану жүйесін дамыту жоспарлануда және оның нәтижесінде - колледждер еңбек нарығы үшін креативті көшбасшыларды және икемді, білікті мамандарды даярлау орталықтарына айналады.
_____
